NDOA SEHEMU YA 8

*Assalaam A'laykumu Wa Rahmatul LLAAHI Wa Barakaatuh*

Na'am tumalizie Darasa letu la Ndoa kwa leo tuone umuhimu wa Karamu.

🛑           *KARAMU YA HARUSI*             🛑

                         *( WALIMA )* 

                                     *الوليمة*

                    ```SEHEMU YA NANE```

============🔹🔷🔹 ============.

*Walima ni Sunnah* iliyokokotezwa kwa neno lake Mtume (Swalla ALLAAHU 'alayhi wa sallam)  kwa A'bdur-Rahmaan bin 'Awf:

 

*أولم ولو بشاة*

 

*“Tufanyie Karamu walau kwa mbuzi mmoja.”* (Ahmad)

 

Na Mtume (Swalla ALLAAHU 'alayhi wa sallam)  amesema vile vile:

                  

*إنه لا بدّ للعرس من وليمة*

*“Hakika katika harusi hakuna budi kufanywa karamu.”*(Ahmad)

 

*“Mtume (Swalla ALLAAHU 'alayhi wa sallam) aliwafanyia karamu baadhi ya wake zake kwa vibaba (Mudain) viwili vya shairi.”* (Al-Bukhaariy na Ahmad)

 

Ama tofauti ya aina ya chakula kinachotumika katika karamu hutegemea desturi za watu na ada zao na uwezo wao wa kifedha. Ni wajibu wa mwenye kualikwa katika karamu kuitikia mwito huo ili kuingiza furaha kwa wale waliomwalika. Mtume (Swalla ALLAAHU 'alayhi wa sallam) amesema:-

 

*إذا دعي أحدكم إلى وليمة فليأتها*

 

*“Anapoalikwa mmoja wenu katika karamu na ahudhurie.”*

 (Al-Bukhaariy na Muslim)

 

Na katika hadithi nyingine Mtume juu yake sala na salamu anasema:-

*من ترك الدّعوة فقد عصى الله ورسوله*

*“Atakayeacha kuitika mwito basi atakua amemuasi ALLAAH na Mtume wake*.”(Al-Bukhaariy na Muslim)

 

Na Mtume (Swalla ALLAAHU 'alayhi wa sallam)  amesema vilevile:-

*“Lau ningealikwa kwenda kula kongoro basi ningelikwenda, na lau ningalipewa zawadi ya mkono ningalipokea.*” (Al-Bukhaariy)

 

Inapendeza wale ambao wataalikwa kwenye karamu wawe ni mafakiri na pasiwepo katika karamu hiyo Munkaraat (ubadhirifu na Israfu), Mtume wa ALLAAH juu yake Swalah na amani anasema:-

 

*شرّ الطّعام طعام الوليمة يدعى لها الأغنياء ويترك الفقراء*

*“Chakula kibaya zaidi ni karamu ambayo wanaalikwa matajiri na kuachwa mafakiri.”* (Al-Bukhaariy na Muslim)

 

Na mwaliko huo unapendeza zaidi uitikiwe na waja wema wa ALLAAH (Subhaanahu wa Ta'ala)  kwa neno Lake Mtume (Swalla ALLAAHU 'alayhi wa sallam) :-

 

*لا تصاحب إلاّ مؤمتا ولا يأكل طعامك إلاّ تقيّ*

  

*“Usisuhubiane ila na muumini tu, na asile chakula chako ila Mchaji ALLAAH.”* (Abu Daawuwd na At-Tirmidhiy)

 

Matajiri wanahamasishwa washiriki katika kutengeneza chakula cha mafakiri, kwani amesema Anas (Radhiya ALLAAHU 'anhu)  katika kisa cha Ndoa ya Mtume (Swalla ALLAAHU 'alayhi wa sallam)  kwa bibi Swafiyah, hata ilipofika njiani Bibi Sulaym alitayarisha chakula na akakipeleka usiku, na ilipofika asubuhi yake Mtume (Swalla ALLAAHU 'alayhi wa sallam)  akasema: *“Atakayekua na kitu basi aje nacho.*” Anas anasema: *“Habari zikaenea vitu vikawa vingi! Ikawa kila mmoja anakuja na kitu, wengine walileta samli wengine tende wakatengeneza hays (aina ya chakula kama ugali wa tende uliochanganywa na samli) ikawa wanakula kutokana na chakula kile na wanakunywa katika zile hodhi waliokinga katika maji ya mvua, na hiyo ndio iliyokuwa karamu ya Mtume (Swalla ALLAAHU 'alayhi wa sallam) .”* (Al-Bukhaariy na Muslim)

 

Na du'aa inayosomwa kwa Bwana harusi wakati mtu anapohudhuria karamu ni:-

                                                                                                                                                                      *بارك الله لك, وبارك عليك, وجمع بينكما في خير*

*“ALLAAH Akubariki na Akubarikie mke huyo na Awakusanye pamoja katika kheri.”* (Abu Daawuwd)

 

Mtume juu yake sala na amani amekataza kupeana pongezi za kijahilia. Hasan bin 'Aqiyl bin Abi Twalib alioa kisha watu wakaingia (kumpongeza) wakisema: *upate utajiri na watoto, Hasan (Radhiya ALLAAHU 'anhu)  akasema msiseme hivyo, kwani Mtume (Swalla ALLAAHU 'alayhi wa sallam)  amekataza hilo.* (Ibn Maajah, Ad-Daarimy na Ahmad)

 

Itaedelea In shaa Allah

*☎+97433799776*

*NDOA KATIKA UISLAM*

QURAN NA SUNNAH TZ 

WHATSAPP NO +255713849566 

TEMBELEA KWENYE MITANDAO KWA MASOMO MENGINE ZAIDI👇🏾

websites.

http://qurannasunnahtz.blogspot.com/

Facebook page.

https://m.facebook.com/Quran-na-sunnah-tz-100238655597178/?ref=bookmarks

Instagram.

http://www.instagram.com/qurannasunnah

Whatsapp.

https://chat.whatsapp.com/FfEoBrL4bmr0vbNQhNPKFE

telegram.

https://t.me/joinchat/3WW1yKOS9-MzN2Zk

YouTube

http://m.youtube.com/channel/UC1i0tOe8KZP7L0-rOisIb2A